ninaivil ninravargal

நினைவில்  நின்றவர்கள்

                                                   

                 நகைச்சுவை என்பதே நம்மை விலங்குகளிடமிருந்து  வேறுபடுத்திக்  காட்டும் மிகச் சிறந்த  மருந்து,ஆம் நமது மனதிற்கான நல்ல மருந்தாக  நகைச்சுவையைக் கருத வேண்டும் என மருத்துவர்கள் வலியுறுத்துகின்றனர்,இத்தகைய நல்ல மருந்தை அளித்த

மகத்தான மனிதர்தான் ஏப்ரல் 16 ,1889 ஆம் ஆண்டு பிறந்த  சர் சார்லஸ் ஸ்பென்சர் சாப்ளின் என்கின்ற சார்லி சாப்ளின் ,ஹாலிவுட் திரையுலகின்

பிரம்மாண்ட நகைச்சுவைக் கலைஞர்.இவருக்கு நடிகர் ,இயக்குநர்,திரைக்கதை ஆசிரியர் ,தயாரிப்பாளர் என பல முகங்கள் உண்டு.

இவர் 'தி சர்க்கஸ்' என்ற படத்திற்காக ஆஸ்கார் விருது பெற்றார் ,மேலும் திரைப்படத்  துறையில் இவர் ஆற்றிய பணிகளுக்காகவும் 1972 இல் மற்றொரு ஆஸ்கார் விருது பெற்றார்.1940 இல் வெளியான 'தி கிரேட் டிக்டேடர்' படம் மூலம் சர்வாதிகாரி ஹிட்லரின் கொள்கைகளை கண்டித்தார்.இன்றளவும் இவரது நகைச்சுவைக்கு இணையாக எதையும் ஒப்பிடமுடியாத அளவிற்கு சிறந்தக்  கலைஞர் சாப்ளின்.

அவரைபற்றிய சிறப்பு செய்திகள் சில,

சாப்ளினின் கண்கள் நீல நிறத்தில் இருந்தன. கருப்பு வெள்ளைப் படங்களில் மட்டுமே அவரைப் பார்த்திருந்த ரசிகர்கள், அவரை நேரில் பார்க்கும் பொழுது பெரிதும் வியப்புற்றனர்.

சாப்ளின் நல்ல சதுரங்க  ஆட்டக்காரர்.

சாப்ளினின் புகழினால் சாப்ளினைப் போல் தோற்றம் அளிப்போருக்கான போட்டிகள் பல நடத்தப் பட்டு வந்தன. சாப்ளின் ஒரு முறை அப்போட்டி ஒன்றில் ரகசியமாகப் பங்கு பெற்றார்.இதில் இவரால் மூன்றாம் பரிசையே வெல்ல முடிந்தது

இத்தகைய சிறப்பு மிக்க சாப்ளின் 1977 ஆம் ஆண்டு கிறிஸ்துமஸ் அன்றைக்கு
இறந்தார் ,பணம் பறிப்பதற்காக இவரது உடலை கல்லறையிலிருந்து திருடினர் பதினோரு வாரங்களுக்கு பிறகுஅவரது உடல்  கண்டுபிடிக்கப்பட்டு இறுதி சடங்குகள் நடத்தப்பட்டது .அவர் மறைந்தாலும் அவரது நகைச்சுவை நம்மை எப்பொழுதும்  சிரிக்க வைக்கும்.