இது ஒரு குட்டி கதை 9 வருடங்களுக்கு முன்பு எழுதியது !! காலம் தன் காலில் சக்கரத்தைக் கட்டிக்  கொண்டு தான் ஓடுகின்றது....
                     
                 ஹலோ அம்மா !

அசந்துப்  போய் அமர்ந்தேன்
அத்தானின் அலுவலக ஆயத்தம் முடித்து
தொலைபேசி எடுபதற்குள் 
மெல்லியதோர் சிணுங்கல்
இன்றைய காலை முடிந்தது  என
எட்டி பார்த்தேன்!
இல்லை அம்மா இளைப்பாறிக் கொள் - என
தலையனையை அணைத்தாள் குழந்தை
எண்களைத் தட்டினேன்!
ஹல்லோ ....
அம்மா நான்தான்
மீண்டும் ஹல்லோ.....
நான்தான்
சரியா கேட்கலடி அமெரிக்காலேர்ந்து ....

அடக்க முடியா சிரிப்பு எனக்கு 

கேட்குதா?
விட்டு விட்டு...
வைங்க திரும்ப கூப்பிடறேன் !
ஹலோ
ஹல்ல்லோஒ.......
ஏம்மா கேக்குதா?
அதற்குள் அம்மா என்றாள் பாப்பா
இதோ வரேண்டா  கண்ணா
இப்போக்  கேக்குதுடி சொல்லு என்றாள் அம்மா
 நாளைக்குப்  பேசறேன்மா என்றேன் 
வழக்கம்போல !