கொடுத்து வைத்த பிறவியடா நீ !

கொடுத்து வைத்த பிறவியடா நீ !

கவலை வருகிறதா? துடைத்தெறி,

கண்ணீர் வருகிறதா? சிரிக்கப்  பழகு, 

கோபம் வருகிறதா? குளிர்ந்து விடு ,

சிறிய வாழ்க்கை இது 

சினம் கொள்ளும் நேரத்தை

சிந்திக்க செலவிடு ,

பயம் கொள்ளும் நேரத்தை

பக்திக்காக செலவிடு ,

வாழ்க்கை சிறியது வாழ்ந்து பார்!

அதிகமாய் பேசுகிறவனிடம்

அமைதியாய் இருந்து விடு.

அடக்கமாய் பேசுகிறவனிடம்

இணக்கமாய் நடந்துக் கொள்.

அறிவாய் பேசுகிறவனிடம்

ஆர்வமாய் கற்றுக் கொள்!

கோபங்கள் ,தாபங்கள்

குரோதம் ,பழி

கர்வம் ,கயமை

நீயாய் கற்றுக் கொண்டது .

சரி பார்த்துக் கொள்

சான்றோரின் சரித்திரத்தில்

சரியில்லை என தெரியும் போது

முடிந்து விடும் வாழ்க்கை!

எனவே ,

வானிலே ஓடும் மேகமாய் இராதே

கலைத்து விடும் காற்று!

நீரிலே தோன்றும் நீர்குமிழியாய் இராதே

முடிந்துவிடும் வாழ்க்கை !

நிலவாய் இரு,

வளரலாம் ,தேயலாம்.

சூரியனாய் இரு,

உதிக்கலாம் ,மறையலாம்.

செடியிலிருந்து உதிரும்

பூக்கள் அழுவதில்லை

இருந்தவரை மனம் வீசிய பெருமையிலே !

பூவாய் இருந்து விடு

பூவுலகை வென்றுவிடு-ஏனெனில்

நீ கொடுத்து வைத்த பிறவியடா !